Venres
26
Decembro
18:00 | 45 min.
Nanuq
Pazo da Cultura, Carballo
Nanuq
CIA VÖEL (Circo e danza)
No escenario o 26 de Decembro
Nanuq é unha historia de amizade sen prexuízos onde dous corpos e dúas máscaras crean, a través da poesía visual e das acrobacias, un mundo onírico onde todo pende do límite. Circo, danza e obxectos combínanse para ofrecer unha peza atemporal e universal, especialmente para o público máis novo.
Este ceo, coas súas cores, anuncia que algo está a piques de acontecer.
E que podería acontecer ao outro lado do mundo onde nos coñecemos.
Onde estes dous seres se coñeceron, con tanto que contar.
Tanto que contar como os osos teñen soños.
A compañía catalá Cia Vöel naceu en 2017 e dende entón vén desenvolvendo a súa propia linguaxe poética e altamente visual, que non require palabras para contar historias abraiantes. As súas propostas fomentan a imaxinación e múltiples interpretacións para o espectador.