Un encontro entre dous, un abrazo, o sentir do outro, a comunicación sen palabra, o sentir do tempo inmerso nun mundo creado entre dous. Un soporte mutuo. Un tempo que se expande e se detén como se nunca fora a acabarse.
Lali Ayguadé é unha das referencias da danza contemporánea en España, sendo a primeria vez que actúa no ciclo de Primavera enDanza para presentar unha proposta de transformación. Onde nun instante olvídanse e saen á luz as diferencias; os polos opostos, a fraxilidade e a forza; o deixarse caer e o desexo polo control. O equilibrio e a inestabilidade. A verdadeira natureza humana.
